موضوع: :: الجـمـعـه 1 فـبـرايـر :: اول يرايم الثلاثاء فبراير 26, 2008 7:16 am
:: الجـمـعـه 1 فـبـرايـر ::
برايم متوسط المستوى بحضور الشاب خالد وشذى حسون النومينيز كانو احـمـد و عـمـر و جـسـيـكـا
ابتدى البرايم وحصل فيه حاجات غريبه بصراحه يعنى فى ناس مثلا مكنتش حافظه كويس الاغانى اللى هتغنيها زى ضيا فى اغنيه frozen لما كانت بتغنى فوق الكره الارضيه كدا كانت بتقرا كلام الاغنيه وكان مكتوب قدامها عالكره علشان ميبنش ..
كمان امال لما كانت بتغنى وكانو واقفين جنبها احمد ونادر وزاهر وضيا بيلعبولها جيتار كانت بتقرا كلام الاغنيه من على ايديها !!
طبعا دا اللى كان معصب وديع انهم محفظوش الاغانى كويس
المهم ان مش دا بس اللى الغريب فى البرايم لا كمان المايك بتاع عبدالله الدوسرى باظ فى اغنيه كانو بيغنوها هوا وسعد ومصطفى ومحمد وغنى من غير ما يطلعله صوت فكوبليه والمهم ان سعد لحقه وكمل هوا غنا ..
اما بقى احلى ما فالبرايم بصراحه كان نادر والشاب خالد لما غنو مع بعض اغنيه عايشه بجد نادر كان جامد جدا واضاف بصوته حاجات حلوه كتير فالاغنيه ولفت انظار كل الحضور ليه جامد .
ومفاجاه البرايم كانت طبعا من هيلدا لما قالت ان ضيا عيد ميلادها النهارده وخلت اصحابها يغنولها هابى بيرث داى هما والجمهور .
اما صديقه الاسبوع كانت ميرهان ورولا سعد قدمتلها جايزتها كل ادوات الرسم اللى هتحتاجها علشان ترسم ودا طبعا لان ميرهان بتحب الرسم جدا وغير كدا كمان قالتلها ان لو هيا محتاجه تتدرب رقص هتجبلها حد يدربها .
والتوب 5 الاسبوع دا كانو عدنان واسماء وعبد الله ونادر وفى المركز الاول كان مصطفى وكان ليه جايزتين اولهم انه كلم والدته لايف عن طريق الستلايت لان هيا كانت فالرياض وتانى حاجه ان رولا قالت انها هتدفعله مصاريف للجامعه بتاعته .
والده مصطفى
وفالمشهد الاخير كان لحظه تحديد مصير النومينيز للاسبوع دا ومع انه مكنش مرعب اوى لانه كان متوقع وواضحه اوى ملامحه وفاز احمد بتصويت الجمهور باكتر من 50% وطبعا اتبقى عمر وجسيكا والمفروض ان باقى الطلاب ال17 هيختارو مين فيهم يكمل معاهم ومين يخرج فكانت جسيكا هيا بطله المشهد دا واختارها معظم الطلاب واكتسحت عمر وحتى الطلاب اللى اختارو عمر كانو خلاص اتاكدو من فوز جسيكا باغلبيه الاصوات بس اختارو عمر علشان شكله يكون كويس برضه .
وعلى فكره غلطات النومينيز التلاته فالايفال كانت تقريبا من خوفهم لانه اول ايفال يعنى احمد كانت غلطته انه لخبط فالكوردات لما كان بيلعب لحد من زمايله وهوا بيغنى صغيره الدني ودا لان احمد لعب الكوردات بطريقه غناه هوا ومش بطريقه غنى الشخص اللى هوا لعبله . اما جسيكا فهيا غلطت وهيا بتغنى ولخبطت الكلام ووقفت وقالت سورى وكملت تانى وطبعا وديع قالها انه ممكن تغلط بس مينفعش تقف وتقول سورى وتحسس الجمهور انها غلطت . اما عمر فكانت مشكلته زى مشافها ميشيل انه بيقلد مش بيغنى يعنى مش بيغنى باسلوبه هوا .
فالنهايه خرج عمر والطلاب بقو 19 طالب وبعد البرايم قعدت معاهم شذى وكانت جايبلهم معاها هديه بلاى استيشن وعلى فكره اليوم اللى قبل البرايم كان قاعد معاهم الشاب خالد وبعد ما مشيت شذى احتفلو كلهم بعيد ميلاد ضيا .
احساس الخوف اللى كان مسيطر عليهم طول الاسبوع علشان البرايم خلاهم بعد البرايم ما خلص مبسوطين جدا وكمان احساسهم بان كل اسبوع هيسيب الاكاديمى واحد منهم خلاهم قربو من بعض اكتر .
انتهى اليوم الاهم فى اول اسبوع فالاكاديميه وانا شايف ان احلى ما فيه كان ثقه نــادر و احـمـد فنفسهم . نادر وهوا بيغنى عايشه مع الشاب خالد وكأنه مطرب محترف وضاف للاغنيه كتير بصوته . واحمد بانت ثقته فنفسه اوى وفجمهوره قبل ظهور نسبه التصويت للنومينيز لما كان بيضحك وكانه متاكد انه قاعد ومش هيمشى ..
موضوع: :: الجـمـعـه 1 فـبـرايـر :: اول يرايم 
الثلاثاء فبراير 26, 2008 7:16 am
