مؤامرة اغتيال محمد قماح فى البرايم قبل الأخير على يد رولا و

اعذرونى لو حطول عليكم بس انا اتخنقت من الظلم اللى بيتعرض ليه قماح

إلى من شاهدوا البرايم قبل الأخير و الذى خرجت فيه سالى و الى حتى الذين لم يتابعوه و كانوا يعرفون تفاصيله
المفترض ان محمد قماح كان بيستعد و بيعمل بروفات قبل البرايم لأغانيه اللى الفها و لحنها و بالذات اغنية مش قلت حتنسانى اللى وعدته الإدارة انه حيغنيها سولو و لأنه فعلا يستحق انه يغنيها منفرد بدون مشاركة
و بصراحة انا فرحت جدا لما شفته بيغنى فينه لوحده بدون مشاركة لكن اتقهرت بجد و شعرت بظلم كبير ولأول مرة افتنع بنظرية المرامرة لما هيلدا كانت بتفدم اغانى قماح و قالت عنها انها اغانى الفها و لحنها الطلاب و اشتركوا فيها من غير ما تجيب سيرة البرنس و كأنه لا تعب و لا اشتغل على الأغانى دى و كده ساووا ناس معندهمش اى ملكة فى التأليف و التلحين مع قماح
الصدمة الأكبر هى تغيير لحن من اول مرة اللحن الجديد كان سئ و حولها لأغنية سريعة ومرحة جدا خالية من اى احساس انا عايز اعرف مين المسئول عن تشويه اغنية قماح بالطريقة دى و يا ترى ايه اللى خلاه يعمل كده ؟؟؟
بعد كده ازداد ذهولى و انا بسمع شذى بتغنى معاه مش قلت حتنسانى لأنى شايف ان مفيش حد من حقه يتقاسم الأغنية دى مع فماح لأنها بتدى لأى واحد حيغنيها نجاح هو متعبش فيه
معنى كده ان الأكاديمية مستكترة على قماح يفرح بنجاحه قدام جمهوره و يحرموه من آداء احلى اغانيه لوحده مع العلم انه كان يقدر يحتفظ بألحانه واغانيه لنفسه و ميبينهاش فى الأكاديمية و برده كان يقدر بموهبيته فى الغنا و كاريزمته انه يوصل للنهائى
طب النتيجة كانت ايه ؟؟
اذطر محمد انه يحشؤ فى الأغنية حليات وعرب كتير عشان يبين صوته و حمل الأغنية اكتر من طاقتها لأنه حاول يطلع كل اللى عنده فيها و مقدرتش استمتع بالجملتين اللى قالهم من المقطع الصغير من الأغنية
تالت اغنية غناها كانت ان شالله و مكنتش ححس بيها لولا التوزيع الجميل اللى عمله ميشيل فاضل و محمد ملحقش يغنى منها كلمتين على بعض

كان الظلم ممكن يزيد لو حرموه من اغنية الواد قماح لكن دى هى الأغنية الوحيدة اللى غناها بسلطنة و مزاج و هو بيرقص مع سالى

باقى انى اسأل سؤال واحد اغنية ليالى زمان اللى كان محمد حيديها لتينا و بعد كده مروة و فى الآخر احتفظ بيها لنفسه راحت فين انا سمعت انه حيغنيها فى البرايم اكتر من مرة ليه مظهرتش لحد دلوقتى ؟؟؟
ممكن حد يرد يقكر كويس ويرد عليا من غير ما يفكر فى ان الإدارة بتكره محمد او بتتعمد انها تظلمه اعذرونى لو حطول عليكم بس انا بجد اتخنقت من اللى بيحصل لقماحو تحرمه من حقوقه و مستكترة انه يفرح و بتتآمر عليه